La versión asturiana de «1984» preséntase’l miércoles en La Llocura de Mieres

Esti miércoles 19 de febreru a les 19:30 hores ta programada la presentación de «1984» de George Orwel en La Llocura llibrería-café (Cai Ayer, 1 – Mieres del Camín). Nel actu va participar Xesús González Rato, traductor; Rafael Rodríguez Valdés, director de la colección y Esther Prieto, d’Ediciones Trabe, qu’asoleya la obra.

Esta colección «Calume» tien como fin, tal y como esplica’l director de la mesma «poner y publicar n’asturianu obres d’otres lliteratures (quitante la castellana) pero con filosofía distinta a lo que foi vezu dientro de la traducción n’asturianu, ello ye, con planificación, con escoyeta de títulos bien meditada, con profesionalidá y con rigorosidá».

1984

Europa ta recién salida, después d’una guerra brutal como nunca nun se conociera otra, d’un totalitarismu (el nacionalsocialismu alemán) y enverédase pa otru, según lo ve l’autor, que centra la obra nel añu 1984 nuna sociedá vixilada por un hermanu mayor, na que se regula’l pensamientu al traviés de la llingua y na que la premisa ye «lo que nun tien nome nun pue pensase».T