Ediciones Nobel busca un añu más «El Meyor Poema del Mundu», con un concursu abiertu al asturianu

Ediciones Nobel convocó yá’l IX Premiu Internacional de Poesía Xovellanos, El Meyor Poema del Mundu. Nesta ocasión ta dotáu con 2.000 euros a un solu poema escritu en cualesquier llingua del mundu.

Les candidatures podrán unviase hasta’l próximu 6 de xineru de 2022. Les bases completes pueden consultase na páxina de la editorial.

Na edición de 2020, dos poemes n’asturianu tuvieron ente los premiaos: Facer güecu, d’Isabel Gutiérrez Novo, y Velea, de Berto García.