La escritora valenciana Carmina Verdú ta d’estancia creativa na Residencia Lliteraria Xixón

La escritora de Elx, Carmina Verdú ta trabayando nesti mes de payares en dellos de los sos proyectos na Residencia Lliteraria Xixón. El xueves va participar con un taller d’escritura na Biblioteca de Mieres.

A lo llargo de munchu tiempu Carmina Verdú Cano esfrutó d’una vida llaboral bien gratificante como archivera, principalmente nel Archivu Hestóricu del Conceyu d’Elx.

La so formación n’Hestoria y tamién en Biblioteconomía y Documentación desenvolvióse amás na espublización d’artículos sobre la historia d’Elx, l’Archivu y los sos fondos documentales y el paisaxe, que ye la so tema d’investigación y remató cola espublización del llibru “El palmeral de Elche. Un paisaje andalusí”.

El so interés pola pallabra escrita va más allá de los manuscritos hestóricos y eso llevóla nos años últimos a participar nel taller d’Escritura poética de la poeta y llibrera Carmen Juan. Ensin dexar la investigación, acabó’l so primer proyectu de poesía y entama una etapa nueva mirando escontra la novela.