Ediciones Nobel convoca’l XXXIII Premiu Internacional d’Ensayu Xovellanos y el XIV Premiu Internacional de Poesía Xovellanos, El Meyor Poema del Mundu.
El XXXIII Premiu Internacional d’Ensayu Xovellanos ta dotáu con 9.000 euros y busca reconocer la meyor obra orixinal y inédita nos campos del pensamientu, les humanidaes, les ciencies sociales y de la naturaleza, escrita por autores de cualquier país del mundu.
El XIV Premiu Internacional de Poesía Xovellanos, pela so parte, va otorgar 2.000 euros a un solu poema escritu en cualquier llingua del mundu.
Les candidatures pa dambes categoríes van poder unviase hasta’l próximu día 8 de xineru del 2027.
XXXIII Premiu Internacional d’Ensayu Xovellanos
La trixésimu tercer edición del PREMIU INTERNACIONAL D’ENSAYU XOVELLANOS busca destacar creaciones orixinales y inédites que supongan una aportación relevante nos campos del pensamientu, les humanidaes, les ciencies sociales y de la naturaleza, escrites por autores de cualquier país del mundu. El galardón, que tien periodicidad añal, foi instituyíu va trenta años, en 1994, al cumplise’l 250 aniversariu de la nacencia de Gaspar Melchor de Xovellanos.
El Premiu Internacional d’Ensayu Xovellanos tien por finalidá dar conocer propuestes orixinales y reflexones fondes qu’aguiyen l’apertur de nuevos caminos na permanente llucha del ser humanu por
enanchar los horizontes de la so conocencia y por topar respuestes a los numberosos problemes y interrogantes que trescalen a la sociedá contemporánea.
La obra ganadora va ser publicada en conociéndose’l fallu del xuráu, col enfotu d’apurrir asina al sector del llibru y al panorama cultural español un productu editorial de calidá. La concesión d’esti galardón
trai una dotación económica de 9.000 euros. Les inscripciones van permanecer abiertes na páxina web www.premiojovellanos.com hasta’l próximu 8 de xineru del 2027.
Esti galardón cunta col sofitu de Conceyu de Xixón y Caxa Rural d’Asturies.
El ganador del últimu Premiu Internacional d’Ensayu Xovellanos foi’l paleoantropólogo y miembru de la RAE José María Bermúdez de Castro pola so obra Hijos de África, de próxima publicación n’Ediciones Nobel.
XIV Premiu Internacional de Poesía Xovellanos. El meyor poema del mundu
El PREMIU INTERNACIONAL DE POESÍA XOVELLANOS, «El meyor poema del mundu» busca un añu más la utopía d’atopar “el meyor poema del mundu” pa recordar a Gaspar Melchor de Xovellanos, rindir homenaxe al so autor y espublizalo per tolos medios pa que la voz de los y les poetes allume los díes nos que la nueche nun dexa pasu a la lluz, pa que les sos palabres sían una antorcha sobre la tierra escuro. La dotación del premiu ye de 2.000 euros y nél puen participar autores de cualquier país con poemes escritos en cualquier idioma, sía esti oficial o non.
Pa poder participar, toles candidatures tendrán de rexistrase equí hasta’l próximu 9 de xineru del 2026.
