Diego Solís ente los participantes de la iniciativa internacional ‘This is Poesía at home’

Güei, miércoles 29, tien llugar otra edición del ‘This is poesía’, sesión en directu d’instagram, entamada pola organización del festival Internacional de Poesía Kerouac de Vigo, asitiada agora en Brooklyn.

A poetes de Nueva York, Ciudá de Méxicu, Bucaramanga, Azores, Aveiro, Madrid o Vigo, súmase’l poeta Diego Solís, codirector de la revista Formientu, dende Xixón, que va tar dende les 10 hores na rede #poetryfighters pa amosar la so poesía xunto a xente de distintos países del mundu.

Esta iniciativa axunta escritores en portugués, castellán, gallegu y asturianu pa demostrar que «la poesía ta anguaño más viva que nunca», como dicen dende la organización del festival. Ente los participantes pueden topase poetes como Rosa Alice Branco, Celia B Soul, Zazil Collins, Constance Hurlé o Brais Nogueira.