El festival de poesía escénica VOCES DEL FORNU vuelve a Uviéu cola so segunda edición, esta vuelta llevando la poesía a dos espacios culturales tan relevantes como son los teatros Filarmónica y Campoamor. La cita que dirixe’l bualés Miguel Rodríguez Monteavaro sigue medrando tres d’una primer edición que yá foi un ésitu’l pasáu añu 2025. Nesta ocasión, el festival va tener llugar los díes vienres 26 y sábadu 27 de xunu pa confirmar una cita que busca convertir la capital asturiana nun referente internacional de la creación poesía escénica contemporánea. Esta segunda edición avera poétiques hermanaes de llugares como Asturies, Galicia, Cataluña, Colombia o Chile.
Programación
Vienres 26 de xunu. 19,30 hores. Sesión triple nel Teatru Filarmónica d’Uviéu:
– Lucía Aldao & Samuel Merino abren la tarde con un recital escénicu de poesía y música en gallegu baxo’l títulu “Os nomes íntimos”.
– La poeta catalana Anna Pantinat axúntase al músicu Shoeg pa ufrir una propuesta interdisciplinar “Goigs poshumans”, de 20,30 a 21,30 hores.
– A les 21,30 hores va ponese’l ramu a la xornada col recital-conciertu “De Púrpura y Melancolía” al cargu del cuartetu chilenu Emilia & Pablo, conocíu pola so fusión de folclor llatinoamericanu, flamencu y artes escéniques.
Sábadu 27 de xunu. 12,30 hores. Salón de Té del Campoamor, Uviéu.
– Alcuentru coles autores Ruth Llana, Berta Piñán y Andrea Cote Botero.
La dirección del festival ye de Miguel Rodríguez Monteavaro, la gráfica d’esti añu ye de Lu Fuertes; la producción, d’Andrés Rodrigues y el patrociniu, del Conceyu d’Uviéu.
