Trabe ufre llibros de baldre y caltién la tienda online abierta pa pasar la cuarentena con lliteratura n’asturianu

Ediciones Trabe caltién activa la venta online nestos díes permitendo facer pidíos  en https://tienda.trabe.org/. «Pol aquel de preservar la salú de toles partes implicaes (sobremanera del personal del sector tresportes)», espliquen dende la editorial, van concentrar la preparación y unviu de paquetes nun día a la selmana (vienres).

Amás, dende Trabe ufren nes redes sociales d’Ediciones Trabe dellos llibros de baldre del so catálogu. El primeru ye’l clásicu de Jules Verne «La vuelta al mundu n’ochenta díes» con traducción de Xesús González Rato.