Dellos mandamientos y/o propósitos

Nun comerás del so cuencu de cera,

nun falarás l’idioma que’l conquistador 

impunxo a esta casa, 

vientre hincháu. 

Nun pasarás de la mano’l padre a la mano del home.

Nun pensarás que vas sacar la to fuerza de la estirpe. 

Tendrás grietas nos brazos, fumu nel pechu, 

firidas nel estómagu. 

Arderán las tos manos al contar

cola mancadura’l cuerpu, 

la mancadura d’una llingua.