El V Ciclu QED esparde poesía per Mieres, Lieres y Uviéu
El V Ciclu de poesía QED vuelve los díes 1, 2 y 3 d’ochobre con una nueva edición que lleva la poesía más allá de los espacios habituales…
El V Ciclu de poesía QED vuelve los díes 1, 2 y 3 d’ochobre con una nueva edición que lleva la poesía más allá de los espacios habituales y convierte Mieres, Lieres y Uviéu n’escenarios pa la palabra poética.
La quinta edición del ciclu que coordina’l poeta bualés Miguel Rodríguez Monteavaro cunta nesta ocasión con imaxe y gráfica al cargu de l’artista Laura Bitxo. Nes distintes sesiones programaes pa esos díes, dellos poetes van compartir versos, voces y miraes con propuestes bien distintes: Pablo X. Suárez, Lourdes Álvarez, Erika Martínez y Ben Clark.
XUEVES 1 | 19:00 h | Llibrería La Llocura, Mieres
Recital poéticu con Pablo X. Suárez, Lourdes Álvarez, Erika Martínez y Ben Clark.
VIENRES 2 | 12:00 h | CP Xentiquina, Lieres (Siero)
Poetes nes aules: la poesía entra na escuela pa poner en diálogu a los poetes coles nueves xeneraciones.
VIENRES 2 | 19:00 h | Biblioteca d’El Fontán, Uviéu
Llectura de poemes con los cuatro autores.
El día 3 d’ochobre, coincidiendo cola Nueche Blanca d’Uviéu, van presentase dos espectáculos de poesía escénica:
SÁBADU 3 | 22:00 h | Plaza del Paragües, Uviéu
Poesía escénica na Nueche Blanca d’Uviéu:
-Nun fala en singular, de Patricia Suárez & Lucía Arnaldo.
-Cortar pescado en Manila, de Miguel Rodríguez Monteavaro & Andrés Rodrigues.
El QED sigue apostando por xuntar voces, xeneraciones y formes de facer poesía, creando espacios d’alcuentru y d’intercambiu cultural onde la palabra viva ocupa’l centru. Una poesía que se llee, que se comparte, entra nes aules y, tamién, sal al escenariu. Tres díes. Cuatro espacios. Una mesma idea: la poesía nun queda quieta.
