«Salvia» d’Alba Llaneza Pulido

Que’l mármol gris, nun seya mio casa
nun caltenga mios suaños, presos
baxo la solombra encesa
qu’aviva l’odiu escondíu en cada llárima.

¡Dexen una margarita por cada deu
qu’escribió esti poema!
¡Dexen que la lluvia esnidie la culpa
d’esti cuerpu!
Y el sol evapore’l mieu.

Que la tierra me meza
Al ritmu d’una añada
Pa que brote d’otra miente
La mio versión más pura.

¡Déxenme ser tierra!

El mio corazón escapará llibre
como una abeya
qu’esnala de flor en flor.

Y n’alcordanza d’esta vida
tendré’l velenu siempre dientro.
Mancando, marcando la sienda
en silenciu.