Sofía Castañón estrena’l ciclu «Superficies de contactu» na Llaboral Centru d’Arte
Ciclu de creación lliteraria a partir del diálogu con artistes del Archivu Superficies de contactu ye un ciclu de creación lliteraria nuevu que toma como puntu…
Ciclu de creación lliteraria a partir del diálogu con artistes del Archivu
Superficies de contactu ye un ciclu de creación lliteraria nuevu que toma como puntu de partida los fondos del Archivu d’Artistes Asturianos/es de Llaboral Centru d’Arte y Creación Industrial. Coordináu pol escritor Inaciu Galán, esti proyectu propón un alcuentru ente dos disciplines creatives a partir de les obres y trayectories d’artistes presentes nel Archivu.
¿En qué consiste?
A lo llargo de los próximos meses, Sofía Castañón, Berta Piñán, Marta Mori,
Diego Solís, María Esther García López y Esther Prieto van desenvolver les sos propies pieces lliteraries a partir de la investigación y el diálogu con estos materiales.
El procesu de trabayu de cada participante va partir d’una inmersión nos fondos del Archivu, a partir de la que va escoyer a un artista y una obra como puntu de partida pa desenvolver una creación lliteraria propia.
Los testos van poder adoptar distintos formatos, dende la poesía y el rellatu hasta l’ensayu, la crónica o otres formes híbrides.
Cada procesu va rematar nun alcuentru abiertu al públicu, nel que los participantes van compartir el resultáu del so trabayu y l’esperiencia d’averase a la obra escoyida dende la escritura.
¿Cuándo?
Primer sesión: 22 d’ochobre, a les 18:30 h, con Sofía Castañón.
Duración averada de l’actividá: 1 hores
Calendariu
22 d’ochobre: Sofía Castañón
17 d’avientu: Berta Piñán
21 de xineru: Marta Mori
18 de febreru: Diego Solís
8 d’abril: María Esther García López
19 de mayu: Esther Prieto