Vuelve la Feria del Llibru de Xixón cola so 7ª edición

Del 15 al 18 de xunu celébrase una nueva edición de la Feria del Llibru qu’anguaño cunta cola participación de 27 llibreríes de la ciudá y aumenta considerablemente la participación de les editoriales, 48 frente a les 39 del añu pasáu, y les 28 de 2021. Más de 70 autores y autores van participar nes presentaciones de llibros, alcuentros y coloquios nes 77 actividaes programaes que puedes consulta equí.

Anguaño la FELIX estrémase en 8 secciones: América(s), Familia, Rincón de pensar,
Llugares, Poe+, Zona Xoven/New Adult y Felixina:

1. América(s): una sección qu’atiende a la diversidá de la lliteratura hispanoamericana más actual.
2. Familia: buelga, raigañu, quiebra. Esta sección atiende al tratamientu temáticu de la familia na narrativa española actual mientres los dos últimos años.
3. Rincón de pensar: sección dedicada al ensayu alloñáu de la perspectiva académica.
4. Llugares: sección temática qu’atiende a la relevancia del espaciu narrativu.
5. Poe+: sección dedicada a la poesía.
6. Zona Xoven/New Adult: nesta sección va emprestase especial atención al fenómenu New Adult y l’aplicación WattPad.
7. Felixina: Una sección especialmente pensada pal públicu infantil.