El FICX apuesta pol doblaxe en directo al asturianu
El Festival Internacional de Cine de Gijón/Xixón (FICX), que lleva en marcha dende’l pasáu vienres 13 y hasta’l sábadu 21, vuelve un añu más con una…

El Festival Internacional de Cine de Gijón/Xixón (FICX), que lleva en marcha dende’l pasáu vienres 13 y hasta’l sábadu 21, vuelve un añu más con una montonera d’actividaes venceyaes al séptimu arte. Dende Enfants Terribles, la sección escolar del festival, quieren compartir una propuesta especialmente venceyada a la enseñanza del asturianu: la proyección d’Espedición na xungla / Born in the Jungle, con doblaxe en directo al asturianu.

La sesión va tener llugar el miércoles 18 de payares, a les 10:00 h, en Yelmo Cines de Xixón. Mientres la película, l’actriz Carmen Gloria García va dar voz en directo a los sos personaxes, combinando cine ya interpretación nuna mesma esperiencia.
Esta aventura d’animación, que convida a afayar y curiar la naturaleza, ufre una oportunidá pa que l’alumnáu esfrute del asturianu fuera del aula y descubra les sos posibilidaes como llingua de creación y espresión.
Amás, puede solicitase la participación nel cinefórum creativu posterior a la proyección, una actividá gratuita con places llindaes que va afondar tamién nel trabayu cola voz y el doblaxe.
La entrada cuesta 3,50 € por estudiante y ye gratuita pal profesoráu y les persones acompañantes.
Puede consultase la información completa y el restu de la programación nel dossier d’Enfants Terribles.
Pa cualquier dulda:
enfants@gijonfilmfestival.com
