La poeta serbia Radmila Petrović presenta poemariu na so estancia na Residencia Lliteraria Xixón
Esti xueves 16 de setiembre va celebrase en Xixón un actu especial de presentación del poemariu de la reconocida poeta serbia Radmila Petrović, que nel mes…
Esti xueves 16 de setiembre va celebrase en Xixón un actu especial de presentación del poemariu de la reconocida poeta serbia Radmila Petrović, que nel mes de setiembre ta desenvolviendo una estancia creativa na Residencia Lliteraria Xixón.
L’eventu tendrá llugar nel espaciu cultural de la llibrería El Bosque de la Maga Colibrí, asitiáu n’El Muro, en Xixón. Mientres l’alcuentru, el públicu va poder sentir les obres recitaes en serbiu (llingua orixinal), xunto coles sos traducciones al castellán espublizaes pela editorial La Tortuga Búlgara, amás de delles versiones adaptaes al asturianu.
L’actu va cuntar tamién cola participación de les reconocíes escritores Lula Montes y Laura Marcos, asina como col director de la Residencia Lliteraria Xixón, Inaciu Galán.
Radmila Petrović (1996, Užice, Serbia) medró en Stupčevićinear Arilje. Graduóse na Facultá d’Economía en Belgráu, onde tamién algamó’l so máster. Asoleyó’l so primer poemariu, The Scent of Earth (2014), como premiada del 42 Certame de poesía Lim River. El so segundu poemariu, Cellulose Rock ‘n’ Roll (2015), ganó’l concursu de poesía Desanka Maksimović. El so tercer poemariu, My Mom Knows the Kind of Things That Happen in Cities (2020), vendió más de 15.000 copies en Serbia. Asoleyó ediciones n’Alemaña, Polonia, España, República Checa, Macedonia’l Norte, Montenegru, Eslovenia, Croacia y Bosnia Herzegovina; una edición n’italianu ta en preparación.
La so novela en versu I Didn’t Know What I Was Carrying Inside Me (2025) editóls Šmeker-devojka, editorial que fundó coled sos hermanes esi mesmu añu. El llibru vendió más de 8.000 exmplares hasta la fecha. Participó en festivales y recitales de poesía per toda Europa. La so obra apaeció traducida en revistes llitersries internacionales (Asymptote, Awater, Hollands Maandblad, Fili d’Aquilone, Parnasszus, Panorama, Rumeurs y Zenda) y foi incluyisa en delles antoloxíes europees. Ganó’l premiu “Koło brzegu poezji i prozy” nel festival lliterariu polacu TransPort Literacki. Foi escritora residente en Skopje (Reading Balkans), Berlín (S. Fischer Stiftung), Viena (Q21/MQ), Pristina (READ), Sofía (Traduki), Mynämäki (Saari Residence), Sierre (Villa Ruffieux) y Zug (Landis & Gyr). Vive en Belgráu. Nel mes de setiembre de 2026 ta na Residencia Lliteraria Xixón.