L’Asociación d’Escritores d’Asturies (AEA) en collaboración col Conceyu de Gozón y col envís común de promover la creación lliteraria, convoca’l II Certame Internacional de Poesía y Rellatu Curtiu “Poeta Aurelio González Ovies”.
El plazu pa presentar orixinales ta abiertu hasta’l 31 d’agostu pa dambes modalidaes.
Resume de les BASES
- Va poder participar nes modalidaes de Poesía y Rellatu Curtiu d’esti certame toa persona mayor de 18 años.
- El certame va ser de temática llibre.
- Les obres van poder presentase en llingua castellana y/o asturiana, cola condición de ser inédites y nun tar pendientes del fallu de nengún tru concursu lliterariu. Les persones interesaes van participar, a lo más, con una obra perteneciente a caúna de les dos modalidaes.
- Los rellatos presentaos tendrán una estensión máxima de trés folios y los poemes, mínima de diez y máxima de trenta versos.
- En dambos casos, los testos van presentase numberaos en lletra Times New Roman, cuerpu 12, interlliniáu a 1,5. El títulu tien de figurar en mayúscules, Times New Roman, cuerpu 18 y negrina.
- Nun se van almitir obres iguaes col usu d’Intelixencia Artificial.
- Les persones interesaes en participar van poder presentar les sos obres al traviés de la dirección de corréu electrónicu certamenpoesiaAGO@gmail.com incluyendo como archivos axuntos al corréu dos documentos en PDF:
El primer archivu va llevar por nome’l títulu de la obra y va contener la obra que se presente ensin nengún otru datu identificativo.
El segundu archivu va llevar por títulu la palabra plica (datos personales),siguida del títulu de la obra y va contener nel so interior los datos de contactu xunto col títulu de la obra y modalidá.
Les bases completes y el restu d’información pueden consultase EQUÍ.
Dende Formientu encamentamos la participación nesti concursu dedicáu al autor natural de Bañugues Aurelio González Ovies, que ye por derechu propiu un nome bien afitáu de la poesía contemporánea, mayestru del versu cenciellu capaz d’averar la poesía al públicu más ampliu. Nesta segunda edición de los premios que lleven el so nome, la so figura emplégase pa promover la creación lliteraria dende una pretensión internacional.
