Arantxa Margolles Berán faise col II Premiu «Muyer» de Narraciones Trabe
El xuráu, aconceyáu el 18 de payares, taba formáu por Natalia González Menéndez, Laura Marcos Domínguez, María Dolores Rodríguez Vázquez y Marina Pangua Cuesta, actuando como…
El xuráu, aconceyáu el 18 de payares, taba formáu por Natalia González Menéndez, Laura Marcos Domínguez, María Dolores Rodríguez Vázquez y Marina Pangua Cuesta, actuando como presidenta Esther Prieto Alonso y faciendo de secretariu Samuel Castro González, valoraos los cinco orixinales presentaos, decidió por mayoría conceder esti II Premiu «Muyer» de Narraciones Trabe a la obra Santo Amaro, de la que ye autora Arantxa Margolles Beran.
Santo Amaro ye una novela ríu, que valiéndose de la historia d’una saga familiar ye quien a desplicanos el sentíu más fondu y humanu del viaxe de la vida, por dicir del viaxe d’Ulises, de la búsqueda del paraísu y del eternu retornu.
Arantxa Margolles Beran (Xixón, 1982) ye historiadora pola Universidá d’Uviéu y posgraduada n’Arqueoloxía y Padremuñu pola Universidá Autónoma de Madrid. Especializada en divulgación de la Historia, n’hemerografía y xenealoxía, collabora en dellos medios de comunicación asturianos. Presidenta de Iniciativa pol Asturianu, ye autora del trabayu d’investigación «Fuimos granos d’arena. La solidaridá n’Asturies» énte’l desastre d’Annual y tamién esfrutó d’una estancia na Residencia Lliteraria Xixón. Esta ye la so primer incursión nel mundu de la lliteratura y failo con rigor y aciertu.
