Etiqueta: Xandru Martino

  • Xandru Martino presenta «Vincitur inimicus» en Mieres

    Xandru Martino presenta «Vincitur inimicus» en Mieres

    Xandru Martino presenta na Llibrería La Pilarica (c/Valeriano Miranda, 5) de Mieres, el 17 de xineru a les 19 hores, la so novela «Vincitur inimicus».

    Vincitur inimicus ye la segunda novela del escritor Xandru Martino Ruz, que dos años dempués vuelve a la escena lliteraria asturiana tres la publicación de Nunn (Delallama, 2020). Nesta entrega nueva del autor la obra ta ambientada na corte d’Alfonsu II. Arranca cola etapa na que zarren al rei nel monesteriu d’Ablaña, onde va facer amistá con un monxu que-y va sirvir d’amanuense na so vuelta al tronu. Una historia d’amistaes, enemistaes ya intereses nuna corte na que los porgüeyos personales arreblaguen penriba d’otros valores.

    Una narración que se desendolca nun reinu asturianu qu’abarca dende Euskadi a Galiza y que llucha por fixar les llendes del sur énte los sarracenos al tiempu que les rellaciones diplomátiques col Imperiu de Carlomagnu son una cuestión familiar y cercana.  Una novela histórica que nos permitirá conocer dellos detalles d’un tiempu nel que’l Reinu d’Asturies yera ún de los más poderosos de la Tierra.

  • Xandru Martino presenta Vincitur inimicus en Xixón

    Xandru Martino presenta Vincitur inimicus en Xixón

    Güei martes 13 d’avientu, a les 19:00 hores, Xandru Martino va presentar la que ye la so segunda novela, Vincitur inimicus, editada por Delallama Editorial. L’actu va ser na llibrería La Buena Letra de Xixón.

    Vincitur inimicus cunta la hestoria d’Alfonso II, a mediu camín ente la realidá y la ficción, al traviés de los güeyos de Pelayu, un monxu amanuense que conoz al rei nel so retiru n’Ablaña y recibe l’encargu d’escribir la so crónica. Una mirada enllena matices al rodiu del monarca, esmolecíu por afitar el poder d’Asturies énte l’amenaza sarracena o l’influxu de Carlomagnu.

    Vincitur inimicus ye la segunda novela de Xandru Martino Ruz pa públicu adultu y la segunda qu’espubliza con Delallama Editorial. Nel 2020 asoleyó, tamién n’asturianu, la novela histórica Nunn, que narra la invasión romana d’Asturies y que foi un ésitu rotundu que sigue algamando llectores.

  • Xandru Martino espubliza «Vincitur inimicus»

    Xandru Martino espubliza «Vincitur inimicus»

    Escritu por Xandru Martino Ruz, Vincitur inimicus cunta la hestoria d’Alfonso II, a mediu ca-
    mín ente la realidá y la ficción, al traviés de los güeyos de Pelayu, un monxu amanuense que conoz al rei nel so retiru n’Ablaña y recibe l’encargu d’escribir la so crónica. Una mirada enllena matices al rodiu del monarca, esmolecíu por afitar el poder d’Asturies énte l’amenaza sarracena o l’influxu de Carlomagnu.

    Vincitur inimicus ye la segunda novela de Xandru Martino Ruz pa públicu adultu y la segunda qu’espubliza con Delallama Editorial. Nel 2020 asoleyó, tamién n’asturianu, la novela histórica Nunn, que narra la invasión romana d’Asturies y que foi un ésitu rotundu que sigue algamando llectores.

    «Tanto la editorial como yo tamos mui contentos con Nunn, porque calculo que se vendieron unos 500 exemplares hasta agora, y vendelos nuna novela n’asturianu nun ye fácil», afirma l’autor, qu’espera la mesma acoyida, o meyor, pal so llibru nuevu. Tamién espera esfrutar más de les presentaciones, porque Nunn aportó nos primeros meses de la pandemia y cada actu yera «un drama».

    L’escritor, con títulos como De Ceuta a Sarayevo (1995) o A la gueta l’esbardu (1997), ye llicenciáu en filoloxía francesa, diplomáu en maxisteriu y especialista d’asturianu pola Universidá d’Uviéu, amás d’académicu correspondiente de l’Academia de la Llingua Asturiana dende l’añu 2021.