Etiqueta: Verbéu

  • Verbéu entama la primer TraduXuntanza esti sábadu

    Verbéu entama la primer TraduXuntanza esti sábadu

    El 4 de febreru va celebrase la primer TraduXuntanza de Verbéu. Va ser en Martimporra (Bimenes) a les 17:00 nel chigre del Centru Social del Conceyu, cola traducción de cómic al asturianu como filu conductor. L’envís ye facer un alderique informal con dellos/es traductores d’esti xéneru al asturianu.

    Verbéu ye l’asociación de traductores profesionales n’asturianu, formada va un añu nesti mesmu conceyu, en Bimenes. Tien espublizao el primer númberu de la revista Brandal y tien abierta la recepción de propuestes pal so segunud númberu.

  • Verbéu espubliza’l primer númberu de Brandal, la revista de traducción n’asturianu

    Verbéu espubliza’l primer númberu de Brandal, la revista de traducción n’asturianu

    Verbéu, l’asociación de traductores profesionales n’asturianu, espublizó al aniciu del mes d’avientu la revista Brandal, la revista de traducción en llingua asturiana. La so presentación fízose nel  I Congresu de Traducción Audiovisual n’Asturianu, celebráu en L.luarca mientres el 10 y 11 del mes citáu.

    A lo llargo de la revista podemos alcontrar la presentación d’esta y los sos oxetivos, acompañaos de dellos ensayos al rodiu de la traducción de personaes como Aymara González, Iria Taibo, presidenta d’AGTPI, o la empresa Aitrad, amás d’una entrevista a Eloy Antuña, traductor de  la novela ‘Kim’ de Rudyard Kipling, que ye’l séptimu títulu de la colección Calume d’Ediciones Trabe.

    La revista ye de llibre consulta calcando nesti enllaz.